Ons Sentrum
ONS SENTRUM
Die Ons Sentrum waar kindertrauma aangehoor en hanteer word, open amptelik in Januarie 2019 in Pretoria-Noord nadat 'n groot behoefte aan terapeutiese dienste vir kinders en hulle gesinne in dié gemeenskap geïdentifiseer is. Kyk by https://helpendehand.co.za/maatskaplike-werkers/ na foto's en 'n artikel oor die bekendstelling.
Die Ons Sentrum bied hoofsaaklik terapie aan kinders wat enige vorm van trauma beleef het, insluitend emosionele, fisiese en seksuele mishandeling, verwaarlosing, verwerping, afsterwe van 'n geliefde, egskeiding, aanhoudende konflik tussen ouers, gesinsgeweld, afknouery, gedragsuitdagings, en so meer. Ons glo dat ouers 'n vangnet vir hulle kinders moet wees, veral gedurende die terapeutiese proses, en daarom bied ons ouerleiding en ander ondersteuning aan hulle. Dit is vir ons van kardinale belang om te strewe na uitnemendheid en daarom werk ons as 'n span terapeute saam aan elke saak om sodoende ook objektiwiteit, professionaliteit en eties korrekte praktyke te verseker.
Ons lei ook elke jaar 'n paar interns op wat belangstel om daarin te spesialiseer om met getraumatiseerde kinders te werk. Die opleiding word verskaf in samewerking met Forensic Assessment Consultation and Training (FACT) onder dr. Louise Aucamp. Ons voel sterk daaroor om terapeute op te lei sodat hulle ná hulle jaar internskap terapeutiese dienste van hoogstaande gehalte in die gemeenskap kan lewer. Ons is vas daarvan oortuig dat indien 'n kind se trauma so vroeg as moontlik behandel word, dit in die toekoms misdaad, werkloosheid en ander maatskaplike probleme in ons gemeenskappe kan voorkom.
Dienste wat aangebied word:
Sosio-emosionele kinderassesserings
Holistiese evaluering om te kyk na die kind se onderliggende emosies en behoeftes.
Interaksionele analise
Evaluering waar ouer-kind-verhoudings waargeneem word, ten einde dié verhoudings te herstel.
Terapie
Werk met die kind se trauma (gesinsgeweld, mishandeling, verwaarlosing, verlies, egskeiding, afknouery, ens.)
Ouerleiding
Ouers word met vaardighede toegerus volgens die kind se ontwikkelingsfase, emosies, persoonlikheid en ander behoeftes, tesame met berading, waar nodig.
Ouer-kind-verhoudingsbousessies
Aktiwiteite tussen ouer en kind word gedoen om dié belangrike verhouding te verbeter en te versterk.
Verwysings na ander professionele dienste
Kinders word verwys na, onder andere spraak en/of arbeidsterapeute, opvoedkundige sielkundiges, oudioloë en neuro-ontwikkelingspeadiaters.
Tweedekansprogram
Skole verwys kinders wat dissiplinêr verhoor is, waar die gesin dan moet inskakel vir terapie om die kind binne die skoolsisteem te hou.
Internskapprogram
Gekwalifiseerde maatskaplike werkers word d.m.v. keuringsproses gekies om opleiding in kindertraumaterapie by FACT (Forensic Assessment Consultation Training) te ontvang en doen dan hul prakties by Ons Sentrum onder toesig van die hoof.
Hoe kan jy betrokke raak by die sentrum?
Die meeste van ons begunstigdes ontvang die diens gratis omdat dit ons hart is om gespesialiseerde dienste aan gesinne te lewer wat dit nie elders kan bekostig nie. Ons maak ons staat op donateurs en sal dit waardeer as jy die sentrum finansieel ondersteun. Ons kan 'n artikel 18A-belastingsertifkaat uitreik vir finansiële bydraes.
Ons maak ook staat op vrywilligers wat kan help om berading aan ouers te bied. Om daarmee te help, moet jy 'n gekwalifiseerde maatskaplike werker wees of ten minste 'n honneurs in sielkunde en relevante addisionele opleiding hê. Stuur asseblief jou CV na [email protected] as jy belangstel om ons op dié manier as vrywilliger by te staan. Neem asseblief in ag dat die Ons Sentrum met minderjarige kinders werk en dat polisieklaring dus 'n vereiste is. Dien dit saam met jou CV in.
Ons Sentrum se proses indien dienste benodig word
- Ons bied terapie aan kinders wat deur enige vorm van trauma en emosionele uitdagings gaan.
- Ons begin gewoonlik met 'n sosio-emosionele assessering, holistiese evaluering, om te kyk na die kind se onderliggende emosies en behoeftes. Dit neem 3-4 uur en ons doen dit oor drie sessies.
- Ons voer onderhoude met die ouers, skool en wie ook al nog nodig is om ons te help om soveel as moontlik inligting te kry om die kind beter te verstaan.
- Dan hou ons as professionele span by die terapiesentrum 'n paneelbespreking waarna ons 'n afspraak maak om verbale terugvoering aan die ouers te gee en om ons aanbevelings met die ouers te bespreek.
- Ons aanbevelings kan terapie, ouerleiding of wat ook al ons voel in die kind se beste belang mag wees, insluit.
- Daar is wel 'n klein koste aan ons dienste verbonde, maar daar is ook die opsie om aansoek te doen vir afslag of om die diens gratis te ontvang indien nodig.
Ontmoet ons personeel
Mareli Botha
Maatskaplike werker
Deomoné van Zyl
Maatskaplike werker – intern
Isabella Visser
Sielkunde berader – intern
‘n Demonstrasie in ouerleiding oor hoe belangrik dit is om jou kind se “bekertjie” vol te hou
Kind plaas seksuele oortreder in “tronk”
Statistieke van ons werk in 2023
Sandspel
Emosie gesiggies
Kind beskryf wat sy frustrasie beker vol maak
Aggressiewe energie word gebruik om kinders bewus van hulle emosies te maak
Word deel van die Solidariteit Helpende Hand familie
Solidariteit Helpende Hand Ons Sentrum
1,734
Ons Sentrum bied terapie aan kinders en hulle gesinne wat deur enige vorm van trauma gaan
Ons Sentrums dien ons kinders en ons gemeenskappe met trots.𝗩𝗔𝗧 𝗛𝗔𝗡𝗗𝗘![]()
![]()
Ineffable Digital Designs™ bou bande deur hierdie jaar weer hande met Helpende Hand - Deel van die Solidariteit Beweging te vat. Helpende Hand streef daarna om werksyn in en deur ons gemeenskap te verseker. Welstand is wat ons doen. Werksyn is hoe ons dit doen, want om te doen is die essensie van ons bestaan.![]()
![]()
𝗢𝗻𝘀 𝗣𝗹𝗲𝗸![]()
Solidariteit Helpende Hand Ons Plek Kleuterskool en Naskoolsentrum bied 'n Afrikaanse kultuurtuiste vir elke kind. Ons Plek is ‘n gemeenskapsprojek waar gemeenskapslede tot die volhoubaarheid van hierdie diens kan bydra en voorspoed vir elke kind kan help verseker. Ons Plek glo dat elke kind die reg het tot opleiding, onderrig, opvoeding en ontwikkeling en indien sy ouers vir ń rukkie nie instaat is om hierdie pad saam te kan stap nie, die gemeenskap dan sal saam stap. ![]()
![]()
𝗢𝗻𝘀 𝗦𝗲𝗻𝘁𝗿𝘂𝗺![]()
In Januarie 2019 het Ons Terapie Sentrum sy deure oopgemaak nadat ’n dringende behoefte raakgesien is onder kinders uit getraumatiseerde omstandighede – kinders wat eenvoudig nie toegang tot terapeutiese dienste kon bekostig nie. By die Helpende Hand Ons Sentrum word daar vandag elke week professionele terapeutiese ondersteuning aan kinders gebied deur hul span van hoogs opgeleide en toegewyde terapeutiese maatskaplike werkers.![]()
![]()
Benewens individuele terapie, bied Ons Sentrum ook ouerleiding aan, sodat gesinne saam kan groei in begrip en genesing. Verder word opleiding in die gemeenskap aangebied oor relevante sosiale en emosionele uitdagings wat ons land in die gesig staar, met die doel om kindertrauma nie net te hoor nie, maar daadwerklik aan te spreek.![]()
![]()
Jy kan Helpende Hand hier ondersteun: helpendehand.co.za/sentrums/![]()
Geniet jou Dinsdag!![]()
©Ineffable Digital Designs 2026
“Dit is makliker om ’n sterk kind groot te maak as om ’n gebroke grootmens heel te maak.”![]()
![]()
By Solidariteit Helpende Hand Ons Sentrum en Ons Plek kleuterskool en naskoolsentrum, glo ons dat elke kind die reg het op ’n veilige ruimte waar hulle gesien, gehoor en gekoester word. ’n Plek waar emosionele veerkragtigheid, selfwaarde en vertroue van kleins af gebou word.![]()
![]()
Wat ons vandag in kinders se harte saai — liefde, begrip, grense, ondersteuning en hoop — dra hulle môre die wêreld in. Daarom belê ons doelbewus in die heelword van kinders, sodat hulle eendag sterk grootmense kan wees wat weet wie hulle is en waar hulle hoort.![]()
![]()
Sterk kinders bou ’n sterker toekoms.
Ons ontvang graag jou CV!VAKANTE POS: 𝐒𝐨𝐥𝐢𝐝𝐚𝐫𝐢𝐭𝐞𝐢𝐭 𝐇𝐞𝐥𝐩𝐞𝐧𝐝𝐞 𝐇𝐚𝐧𝐝 𝐉𝐮𝐧𝐢𝐨𝐫 𝐁𝐞𝐦𝐚𝐫𝐤𝐞𝐫![]()
![]()
Helpende Hand - Deel van die Solidariteit Beweging soek ’n Junior Bemarker om bemarkingsveldtogte en inisiatiewe vir sy sentrums en nasionale strukture te ondersteun. Jy sal betrokke wees by die ontwikkeling van bemarkingsinhoud, die beplanning en uitvoering van digitale en tradisionele veldtogte, en die ondersteuning van bemarkingsgeleenthede. Die rol sluit ook samewerking met interne spanne, die byhou van webwerf-inhoud en die bou van sterk netwerke en vennootskappe in.![]()
![]()
Kandidate moet oor ’n diploma of graad in bemarking, kommunikasie of ’n verwante veld beskik, met 2–3 jaar toepaslike bemarkingservaring. Ervaring met inhoudskepping vir sosiale media, e-pos en webwerwe is noodsaaklik.![]()
![]()
🔸 Sluitingsdatum 05/02/2026![]()
📍 Irene, Centurion![]()
![]()
Doen nou aansoek hier:![]()
aanlyn.solidariteit.co.za/publieke/werk/pos/sien/solidariteit-helpende-hand-junior-bemarker-sentr...
Dit was ’n baie besige week vir Mila by die terapiesentrum!![]()
Haar eerste hoofkantoor-vergadering ✔️![]()
Haar eerste besoek aan die maats by Ons Plek Kempton Park en Derdepoort ✔️![]()
Haar eerste koekie-bederf… wat so bietjie skeef uitgedraai het ![]()
Haar eerste blapsies op hoofkantoor se mat 🐾![]()
En toe word sy ook nog verewig in haar eerste potloodskets, geteken deur Mishca ✏️🤍![]()
Al kry jy soms ’n groot oog, is ons baie lief vir jou en bly jy steeds ons gunsteling, Mila! 🐶💛
Ons verwelkom graag vir Chantel Gouws by Solidariteit Helpende Hand Ons Sentrum! ![]()
![]()
Ons is opgewonde om die pad saam met Chantel te stap. Sy is onlangs aangestel by Solidariteit Helpende Hand Ons Sentrum waar sy vir die volgende jaar opgelei gaan word as spelterapeut, en ook verskeie gespesialiseerde opleidings deur FACT sal deurloop.![]()
![]()
Chantel is reeds ’n gekwalifiseerde maatskaplike werker en bring ’n diep kundigheid, opregte passie en groot liefde vir kinders en families na ons terapiesentrum. Haar hart klop veral vir terapie aan kinders en sy droom daarvan dat meer mense sal verstaan hoe ongelooflik kragtig terapie kan wees in ’n kind se genesingsproses.![]()
![]()
Sy het in Pretoria grootgeword – ’n stad wat vir haar spesiaal is weens die mense. Chantel is ’n regte mense-mens wat lief is vir mense se stories, verskille en die unieke manier waarop die Here elke mens geskape het. Sy glo vas dat sommige mense net ’n bietjie ekstra hulp nodig het, en dit is presies waar haar roeping lê.![]()
![]()
As die oudste van drie kinders het sy saam met haar twee boeties grootgeword, wat gemaak het dat buitespeel en sport nog altyd deel van haar lewe was (en ja – sy kan enige sportbal gooi, en is trots daarop!). Sy het dalk altyd vir ’n sussie gewens, maar ’n hondjie het dié plek met baie liefde gevul.![]()
Haar ma is haar beste vriendin en sonder haar pa voel sy rigtingloos – saam is hulle haar rots en veilige anker in die lewe. Familie beteken vir haar alles, en sy spandeer meeste naweke saam met haar mense en naaste vriende.![]()
![]()
Haar liefde vir kinders loop soos ’n goue draad deur haar lewe. Kleur, speelgoed en kinderlag is vir haar tuisgebied. Sy sê sy probeer elke dag haar “Jesus-bril” opsit om die mooi raak te sien en God se teenwoordigheid te onthou.![]()
![]()
Sy geniet dit om koffie te drink saam met ’n vriendin (goed vir die siel!) en bly graag aktief met draf, swem of oefen.![]()
![]()
Hierdie jaar hou vir haar baie opwinding in – nuwe leer, persoonlike groei, verdieping in terapie én die verwelkoming van ’n nuwe babatjie in haar familie.![]()
![]()
Welkom, Chantel. Ons is dankbaar vir jou, jou hart en jou roeping. Ons sien uit na dit wat hierdie jaar gaan bring. Wees gelukkig by ons.
Verskeie faktore dra by tot 'n kind se groei, ontwikkeling en vordering op skool. Om netjies te lyk en in die klas op te let en te luister, is belangrik. Maar daar is ook ander faktore wat 'n kind se breinontwikkeling oor die lang termyn aanhelp. Al die faktore is belangrik en dien as steunpilare vir 'n kind se ontwikkelende brein. ![]()
![]()
By die Ons Sentrum fokus ons op elkeen van dié faktore en ook nog verskeie ander wat 'n rol speel. Ons werk graag saam met ons ouers om hulle kinders se ontwikkeling en ouderdomsgepaste behoeftes te verstaan en te stimuleer, sodat hulle volledig en teen hul unieke spoed kan groei.
Welkom by ons professionele span, Mishca Heynemann! ![]()
![]()
By Solidariteit Helpende Hand – Ons Sentrums lei ons jaarliks terapeute op in samewerking met FACT en dr Louise Aucamp. Vanjaar is ons besonders dankbaar om Mischa Heynemann as deel van hierdie professionele leer- en groeireis te verwelkom.![]()
![]()
Mischa is op 24 April 2002 in Rustenburg gebore. Sy het ’n kreatiewe siel en vind groot vreugde in waterverf, iets wat sy ook uitleef deur haar eie klein besigheid, Ligkuns Waterverf, wat sy reeds vir twee jaar met liefde bedryf. ’n Interessante brokkie oor Mischa: sy is die jongste van vier kinders, met ’n ouderdomsverskil van 12, 14 en 16 jaar tussen haar en haar siblings – en sy is onlangs verloof aan Paul, ’n boer van Swartruggens.![]()
![]()
Haar drome is diep gewortel in betekenis en roeping: om eendag ’n sielkundige, ’n mamma te wees, en bowenal om die beste weergawe te wees wat die Here wil hê sy moet wees.![]()
![]()
Mischa se passie is onmiskenbaar mense en hul stories. Sy het ’n groot liefde vir die wetenskap van sielkunde en alles wat dit behels om mense beter te verstaan en te ondersteun.![]()
![]()
Vir hierdie jaar sien sy veral uit na leer, groei en leergierigheid – om oop te wees vir ontwikkeling en om elke geleentheid aan te gryp om te groei, persoonlik én professioneel.![]()
![]()
Mischa, ons verwelkom jou graag en sien uit na die pad wat jy saam met ons gaan stap en die verskil wat jy gaan bring by Ons Sentrum en die ouers en kinders met wie jy gaan werk.![]()
![]()
Welkom by die span!
Solidariteit Helpende Hand Ons Sentrums afdeling beskik tans oor ń geleentheid vir ń Ondersteuningspraktisyn.![]()
![]()
Ons ontvang graag jou CV.![]()
![]()
helpendehand.co.za/sentrum-en-nasionale-strukture-ondersteuningspraktisyn/poste/
Solidariteit Helpende Hand het tans ń Bemarker posisisie beskikbaar by Ons Sentrums afdeling.![]()
![]()
Sluit aan by ons familie!![]()
Ons hoop om jou aansoek te ontvang.![]()
![]()
helpendehand.co.za/solidariteit-helpende-hand-junior-bemarkersentrums-en-nasionale-strukture/poste/
’n Span wat luister.![]()
’n Span wat dra.![]()
’n Span wat bou.![]()
Solidariteit Helpende Hand Ons Sentrum — toegewy aan liefde, uitnemendheid en diensbaarheid.![]()
![]()
Die professionel span by die Terapiesentrum verwelkom u graag - ’n span wat gereed is om te luister, te dra en saam te stap.![]()
By Solidariteit Helpende Hand Ons Sentrum werk ons om trauma te verlig, te verbreek en te voorkom; om mense op te hef, op te bou en nuwe hoop te laat groei.![]()
Met liefde, uitnemendheid en diensbaarheid as ons fondasie. 🤍
Liewe Isabella en Deomone,![]()
Vandag groet ons julle met ’n dankbare hart. Dankie dat julle kollegas kom word het by die Terapiesentrum en dat julle jul energie, talente en menswees met ons en die kinders gedeel het. Julle teenwoordigheid het regtig ’n verskil gemaak. Mag die Here vir julle voorsien, julle pad gelyk maak en julle roeping duidelik bevestig vir ń nuwe hoofstuk in julle lewe.![]()
![]()
Liewe Chantel en Mishca,![]()
wat ’n voorreg was dit om júlle te kon keur en kies om vir die volgende jaar deel te wees van hierdie wenspan. Mag julle hier leer, groei, ontwikkel en sommer baie gelukkig wees. Ons weet ons gaan ook baie by julle leer. Ons is opreg opgewonde om die pad saam met julle te stap.![]()
Ons weet julle gaan heerlik saamwerk en baie leer by Shannon, Marli en Mila, en dat julle mekaar gaan verryk in hierdie tyd saam.![]()
Welkom by Solidariteit Helpende Hand – Ons Sentrum. Ons sien uit na dit wat voorlê.
2026 lê voor ons met nuwe drome, nuwe moed en nuwe geleenthede om saam ’n verskil te maak. By Solidariteit Helpende Hand Ons Plek en Ons Sentrum glo ons dat elke môre bouwerk verg—met liefde, met omgee en met hande wat saamwerk reeds vandag. Mag hierdie nuwe jaar vir jou en jou geliefdes hoop, groei en oorvloedige genade en geleenthede bring. ![]()
![]()
’n Geseënde Nuwejaar!![]()
![]()
#NuweJaar2026 #HoopInAksie #OnsPlek #OnsSentrum #HelpendeHand #HandAanDieWerk #SaamVirDieToekoms #GemeenskappeGroei
Nuwejaarsboodskap van die Sentrumbestuurders vir 2026 🌿![]()
![]()
Soos ons terugkyk op 2025, sê ons met dankbare harte: dankie.![]()
Dankie vir elke tree saam, elke hand wat gehelp het, elke hart wat geglo het.![]()
Wat swaar was, lê ons neer.![]()
Wat mooi was, hou ons sag in ons harte.![]()
2025 het ons weer herinner aan die krag van gemeenskap –![]()
’n gemeenskap wat versterk, bou, glo en beleef.![]()
Saam kon ons ’n werklike impak maak op kinders se lewens,![]()
’n impak wat nie net vandag raak nie, maar geslagte verander.![]()
Dankie vir jou geloof, jou betrokkenheid en jou aandeel.![]()
![]()
Ons stap met nuwe moed en verwagting 2026 binne –![]()
’n jaar van bou, groei, hoop en werksyn.![]()
![]()
Mag die Here jou lig wees wanneer die pad vaag raak,![]()
jou vrede wanneer die wêreld raas,![]()
en jou hoop wanneer jy weer moet glo.![]()
![]()
🌱 Dankie dat jy deel is van Solidariteit Helpende Hand Ons Sentrum. 🌱
Mag hierdie Kersfees weer herinner aan die Lig wat in die wêreld gekom het. By Solidariteit Helpende Hand se Ons Plek en Ons Sentrum glo ons dat elke kind, elke gesin en elke gemeenskap ’n plek van vrede en hoop verdien. Dankie dat jy saam met ons lig dra—een hand, een hart, een kind op ’n slag. Geseënde Kersfees!![]()
#GeseëndeKersfees #HelpendeHand #OnsPlek #OnsSentrum #LigInDieGemeenskap #SaamMaakOns’nVerskil
Aan elke donateur en vrywilliger: dankie dat jy die hart van ons werk is. Jou omgee maak dit moontlik dat kinders veilig groei, gesinne ondersteuning kry en elkeen met 'n spesiale behoefte met waardigheid bedien word. Jy bou saam aan ’n beter môre—ons sien jou, ons waardeer jou, en ons sê opreg "dankie".![]()
#Dankie #Donateurs #Vrywilligers #JulleMaakDitMoontlik #HelpendeHand #OnsPlek #OnsSentrum #HartVanOnsWerk #SaamSterker
🙂 Mila kuier by die Helpende Hand Kantoor saam met Maroela Media!
Skattige terapiehondjie steel harte by gemeenskapsentrum - Maroela Media
maroelamedia.co.za
Die agt weke oue Mila, ʼn skattige goue labrador, sou seker nooit kon droom dat sy al die pad van Makwassie in Noordwes na Pretoria-Noord sou reis om as terapiehond ʼn verskil in honderde kinders se l...
Ons kinders is ons toekoms maar die verantwoordelikheid begin by ons vandag.Die maand vier ons ‘n #DankbaarenDiensbaarDesember en kyk terug na wat ons die jaar bereik het met die hulp van ons donateurs, vrywilligers, personeel en elkeen van julle.![]()
![]()
Solidariteit Helpende Hand Ons Plek bied 'n kultuurtuiste van uitnemendheid vir ons kleuters en kinders! Ons gee die aflosstokkie van geloof, opleiding, opvoeding en ontwikkeling aan vir die geslagte na ons.![]()
![]()
Die toekoms lê in ons kinders se hande. Die verantwoordelikheid begin egter by ons – vandag. Die antwoord lê in gemeenskapskrag!![]()
![]()
Skenk vandag aan Ons Plekke en Sentrum: helpendehand.co.za/sentrums/![]()
![]()
#HelpendeHand #OnsPlek #OnsSentrum #Welstand ![]()
![]()
Solidariteit Helpende Hand Ons Sentrum![]()
Solidariteit Helpende Hand Ons Plek Nasionaal
Ons is dankbaar om diensbaar te mag wees.Die maand vier ons ‘n #DankbaarenDiensbaarDesember en kyk terug na wat ons die jaar bereik het met die hulp van ons donateurs, vrywilligers, personeel en elkeen van julle.![]()
![]()
'n Unieke waardeaanbod van Solidariteit Helpende Hand is strukture wat gemeenskappe ontwikkel om welstand te bevorder. ![]()
![]()
Solidariteit Helpende Hand Ons Plek Nasionaal fokus op gehalteonderrig in Afrikaans en die versorging van kinders vanuit alle ekonomiese agtergronde om hulle in staat te stel om hul volle potensiaal te bereik.![]()
![]()
Solidariteit Helpende Hand Ons Sentrum verleen daagliks terapeutiese dienste aan seerkry-kinders wat deur trauma geraak is.![]()
![]()
Vind hier meer uit oor Ons Plekke en Sentrum: helpendehand.co.za/sentrums/![]()
![]()
#HelpendeHand #OnsPlek #OnsSentrum #Welstand
Helpende Hand kry ń voet by!![]()
![]()
Vandag verwelkom ons met groot dankbaarheid en opgewondenheid vir Mila, Mila Hand, ons eie terapiehond en nuwe vennoot in ons diens aan ons kinders. 🐾![]()
![]()
Mila help om ’n veilige, rustige ruimte te skep waar kinders makliker vertrou, oopmaak en emosioneel kan genees. Sy is ’n kosbare toevoeging tot die uitbreiding van ons dienste as deel van ons Terapiesentrum van Uitnemendheid, waar elke kind se welstand sentraal staan. ![]()
![]()
Mila beteken "liefde" of "genade" - ons terapiehond wat liefde bring!![]()
![]()
Welkom liewe Mila! Mag jy soveel vreugde bring, jy het alreeds!![]()
![]()
#Mila![]()
#onssentrum![]()
#helpendehand
Die kognitiewe driehoek![]()
![]()
Wat is die verband tussen jou gedagtes, emosies en gedrag?![]()
![]()
Jou interpretasie van die situasie waarin jy is, vorm jou gedagtes.![]()
Jou gedagtes het 'n direkte impak op jou emosies.![]()
Jou emosies beïnvloed ook jou gedrag.![]()
Daar is dus 'n deurlopende verband tussen jou gedagtes, emosies en gedrag.![]()
As ons dit met 'n driehoek voorstel, vorm jou emosies en gedrag die hoeke van die basis en jou gedagtes die bopunt. Al drie is deurlopend met mekaar in verbinding en beïnvloed mekaar.🌷![]()
![]()
Wat beteken dit?![]()
As jy een van die drie hoeke verander, beïnvloed dit die ander twee. van die kognitiewe driehoek verander, gaan die ander een geaffekteer word om jou emosionele welstand te verbeter.![]()
Ons kan nie ons emosies verander nie, want dit is 'n reaksie op iets. Maar ons kan ons gedagtes (denkpatrone) en gedrag verander en so ons emosies indirek verander. Die verandering in ons emosies sal dan weer ons gedrag verander. Die mees effektiewe manier om jou lewenservaring te verbeter, is dus om ons gedrag en gedagtes te verander.🌻![]()
![]()
Met terapie probeer ons om negatiewe emosies en gedragspatrone in positiewe patrone te verander. Ons identifiseer kinders se negatiewe patrone en probeer dit op 'n gesonde wyse met positiewe gedragspatrone vervang. Ons bied vir die kinders 'n veilige hawe en stap saam met hulle 'n pad. So bemagtig ons hulle om doelbewus positiewe besluite te neem eerder as om die ongesonde patrone te bly herhaal.🌱