Solidariteit Helpende Hand Ons Plek is 'n opvoedkundige gemeenskapsprojek wat voldoen aan spesifieke regulasies. Die klem val op Afrikaanse onderrig van hoë gehalte en die versorging van kinders uit alle ekonomiese agtergronde ten einde hulle in staat te stel om hul maksimum potensiaal te bereik. Hierdie onderrig sluit in die dienste van 'n kleuterskool en naskoolsentrum in 'n veilige omgewing. Ons bied 'n atmosfeer van Christelike waardes vir kinders uit die Afrikaner-kultuurgemeenskap. Ons Plek is 'n gemeenskapsprojek waar gemeenskapslede bydra tot die volhoubaarheid van die diens en vir elke kind voorspoed help verseker.