Ons Plek Volksrust is in 2018 met vier graad R-kinders begin as 'n takprojek van Solidariteit Helpende Hand. Dit het begin as die Ons Kleuterskool en is toe amptelik in 2020 verander na 'n Ons Plek.

Die graad 1-onderwysers en hoof het 'n behoefte geïdentifiseer aan 'n bekostigbare kleuterskool wat toeganklik sou wees vir alle graad R-leerders in die gemeenskap. Die kleuterskool het jaarliks gegroei en meer ouderdomsgroepe is bygevoeg. In 2021 is met 'n naskooldiens begin.

Ons personeel streef daarna om elke kind gemaklik, geliefd en aanvaar te laat voel. Ons fokus op skolastiese ontwikkeling maar maak ook tyd vir lekker speel. Tydens vakansies doen ons ook altyd heerlike vakansieprogramme wat bestaan uit lekker speletjies en groot pret.

Ons Plek Volksrust is 'n saamkomplek vir die Afrikaanse kultuurgemeenskap wat omsien na die emosionele, geestelike en kulturele welstand van ons mense. Ons kleuters volg 'n kurrikulum wat in samewerking met die Noordwes-Universiteit ontwikkel is om skoolgereedheid te verseker.  Ons naskoolleerders se prestasies verbeter merkwaardig met die huiswerkondersteuningsgroepe en Wolkskool-inskakeling. Ons lewer 'n uitnemende diens en glo in die ontwikkeling van elke kind se potensiaal.

Bestuurder: Eldrike Geldenhuys, arbeidsterapeut

082 603 9248

[email protected]

[email protected]

Speldligging/Pin location:        27°21'57.9"S 29°52'55.0"E

Skooltye:              Maandae tot Donderdae – 07:00 tot 16:00

                             Vrydae - 07:00 tot 13:00