Ons Plek Naboomspruit
ONS PLEK NABOOMSPRUIT
Dink net vir 'n oomblik aan 'n wêreld waar ons die vermoë het om die armoedesiklus te verbreek, 'n wêreld waar ons jong kinders die geleenthede en gereedskap kan gee om selfstandig en onafhanklik te word. Dink aan 'n wêreld waar ons vir kinders hoop vir die toekoms kan gee en hulle terselfdertyd bemagtig om daardie toekoms vir hulleself én vir ander 'n realiteit te maak.
Ons wil opleiding gee, waardigheid bou en selfstandigheid kweek in ons uitnemende naskoolsentrum.
Ons Plek Naboomspruit is Solidariteit Helpende Hand se sewende Ons Plek en het tans 44 naskoolkinders van graad RR tot graad 7 aan wie ons 'n Afrikaanse naskooldiens lewer. Die Ons Plek is op 15 Augustus 2022 op die kerkperseel van die APK Kerk Naboomspruit geopen.
Skoolfonds by Ons Plekke word vasgestel volgens gemeenskapsnavorsing in elke dorp waar ons oopmaak. Ons Plek Naboomspruit se skoolfonds beloop R640 per kind per maand oor 'n periode van 11 maande. Ouers wat nie die volle bedrag kan bekostig nie, word gesubsidieer volgens hul inkomste. Betalende ouers kry ook afslag op tweede en derde kinders van dieselfde gesin.
Ons bied die volgende:
- Veilige versorging na skool
- Hulp met huiswerk, take en leer vir toetse en eksamens
- Topgehalte personeel wat deurlopende opleiding ontvang
- Terapeutiese dienste
- Rekreasieprogramme
- Remediërende hulp
- Vakansieprogramme
- Gebalanseerde maaltye en verversings
- Wolkskool- aanlyn ekstra klasse
- Vervoer van die skool na Ons Plek
- Vervoer na naskool-aktiwiteite
Met behulp van drie sterk rolspelers uit die gemeenskap, harde werk en ons provinsiale streekfonds kon ons 'n perseel bekom vir Ons Sentrum Naboomspruit en ons kon die sentrum herstel en opknap. Ons kon ook 'n groot deel van die nodige toerusting, meubels, huis- en kombuisware aankoop.
Ontmoet ons personeel
Jo- Anne Olivier
Andre Van Der Schyff
Artikels
My kind moet kan droom in Afrikaans, Saterdae aande kan saam braai met regte hout en Sondae langs my op die kerkbank sit, hy moet kaalvoet kan rondhardloop, FAK liedjies kan sing by die skool, trots wees op die Voortrekkers en bekend wees met volksverhale wat vertel word in klaskamers en kuiers saam met vriende. …
Lees meer...Word deel van die Solidariteit Helpende Hand familie
This content isn't available right now
When this happens, it's usually because the owner only shared it with a small group of people, changed who can see it or it's been deleted.
This content isn't available right now
When this happens, it's usually because the owner only shared it with a small group of people, changed who can see it or it's been deleted.
www.stapsaamfonds.co.za
Om ons missie en opvoedkundige uitnemendheid voort te sit, is dit noodsaaklik dat ons 'n stabiele finansiële basis het.
This content isn't available right now
When this happens, it's usually because the owner only shared it with a small group of people, changed who can see it or it's been deleted.