Ons Plek Kemptonpark
ONS PLEK KEMPTONPARK
Gedurende Augustus 2022 verwelkom Solidariteit Helpende Hand Ons Plek in Kempton Park (Kabouterpaleis Kleuterskool) as deel van die familie. Die kleuterskool is in 1949 met 20 leerders geopen. In 1959 het die skool na die huidige perseel geskuif wat deur daardie tyd se munisipaliteit geskenk is. In 1970 is die aangrensende perseel aangeskaf as gevolg van die toename in leerders.
Ons vier ons hier wees, hande vat, omgee, gedeelde drome en groter visie. Saam is ons soveel sterker! Ons glo in opvoeding, opleiding, beskerming en versorging in Afrikaans. Ons leef ons geloof uit en is trots op ons taal en kultuur. Ons Plek Kempton Park is 'n opvoedkundige gemeenskapsprojek. As ons kinders gelukkig is, versterk dit ons gesinne en ontwikkel dit tot 'n gesonde gemeenskap.
Kabouterpaleis is 'n pragtig toegeruste kleuterskool met ruim speelareas buite onder groot, groen koeltebome en ons vrolike klaskamers bied genoeg spasie vir speel, lag en leer.
Solidariteit Helpende Hand Ons Plek Kempton Park is 'n kleuterskool en naskoolsentrum wat fokus op gehalte-onderrig in Afrikaans. Hier is almal wenners en kan hulle, hulle potensiaal bereik ten spyte van hulle ekonomiese agtergrond. Ons bied 'n veilige atmosfeer met Christelike waardes vir kinders uit die Afrikaner-kultuurgemeenskap.
Ons Plek Kempton Park is 'n gemeenskapsprojek. Lede van die gemeenskap dra by tot die volhoubaarheid van die diens en help om vir elke kind voorspoed te verseker. Hier gaan jy baie van jouself leer hou en jou persoonlikheid en talente uitbou.
Ontmoet ons personeel
Ronel Bam
Onderwyseres
Helen Ratau
Assistent
Michelle van der Westhuizen
Tydelike Assistent
Georgette Calitz
Kok
Ruth Ntini
Skoonmaker
André Calitz
Nutsman/Sekuriteit
Artikels
My kind moet kan droom in Afrikaans, Saterdae aande kan saam braai met regte hout en Sondae langs my op die kerkbank sit, hy moet kaalvoet kan rondhardloop, FAK liedjies kan sing by die skool, trots wees op die Voortrekkers en bekend wees met volksverhale wat vertel word in klaskamers en kuiers saam met vriende. …
Word deel van die Solidariteit Helpende Hand familie
Solidariteit Helpende Hand Ons Plek - Kemptonpark
612
Ons Plek: Kempton Park is 'n Afrikaanse, Christelike kleuterskool vir kleuters tussen 4 maande en 5 jaar oud en 'n naskoolsentrum vir laerskoolkinders. Hier kan kleintjies en groter kinders nog kind wees en elke oomblik geniet.
🌍👧🧒 Wêreldkinderdag by Ons Plek![]()
![]()
Vandag vier ons dit wat vir ons die belangrikste is – om kind te wees 💛![]()
By Ons Plek mag kinders speel, lag, droom, vra vrae, foute maak en weer probeer. Hier word klein handjies vasgehou, groot harte gevorm en hoop elke dag gebou.![]()
![]()
Ons glo kinders is God se kosbaarste geskenk – elkeen uniek, geliefd en vol potensiaal. 🌱![]()
![]()
Vandag (en elke dag) vier ons kinderlaggies, vuil hande, groot drome en sagte harte.![]()
![]()
💫 Want by Ons Plek mag kinders net kinders wees. 💫
“Dit is makliker om ’n sterk kind groot te maak as om ’n gebroke grootmens heel te maak.”![]()
![]()
By Solidariteit Helpende Hand Ons Sentrum en Ons Plek kleuterskool en naskoolsentrum, glo ons dat elke kind die reg het op ’n veilige ruimte waar hulle gesien, gehoor en gekoester word. ’n Plek waar emosionele veerkragtigheid, selfwaarde en vertroue van kleins af gebou word.![]()
![]()
Wat ons vandag in kinders se harte saai — liefde, begrip, grense, ondersteuning en hoop — dra hulle môre die wêreld in. Daarom belê ons doelbewus in die heelword van kinders, sodat hulle eendag sterk grootmense kan wees wat weet wie hulle is en waar hulle hoort.![]()
![]()
Sterk kinders bou ’n sterker toekoms.
𝗩𝗔𝗧 𝗛𝗔𝗡𝗗𝗘![]()
![]()
Ineffable Digital Designs™ bou bande deur hierdie jaar weer hande met Helpende Hand - Deel van die Solidariteit Beweging te vat. Helpende Hand streef daarna om werksyn in en deur ons gemeenskap te verseker. Welstand is wat ons doen. Werksyn is hoe ons dit doen, want om te doen is die essensie van ons bestaan.![]()
![]()
𝗢𝗻𝘀 𝗣𝗹𝗲𝗸![]()
Solidariteit Helpende Hand Ons Plek Kleuterskool en Naskoolsentrum bied 'n Afrikaanse kultuurtuiste vir elke kind. Ons Plek is ‘n gemeenskapsprojek waar gemeenskapslede tot die volhoubaarheid van hierdie diens kan bydra en voorspoed vir elke kind kan help verseker. Ons Plek glo dat elke kind die reg het tot opleiding, onderrig, opvoeding en ontwikkeling en indien sy ouers vir ń rukkie nie instaat is om hierdie pad saam te kan stap nie, die gemeenskap dan sal saam stap. ![]()
![]()
𝗢𝗻𝘀 𝗦𝗲𝗻𝘁𝗿𝘂𝗺![]()
In Januarie 2019 het Ons Terapie Sentrum sy deure oopgemaak nadat ’n dringende behoefte raakgesien is onder kinders uit getraumatiseerde omstandighede – kinders wat eenvoudig nie toegang tot terapeutiese dienste kon bekostig nie. By die Helpende Hand Ons Sentrum word daar vandag elke week professionele terapeutiese ondersteuning aan kinders gebied deur hul span van hoogs opgeleide en toegewyde terapeutiese maatskaplike werkers.![]()
![]()
Benewens individuele terapie, bied Ons Sentrum ook ouerleiding aan, sodat gesinne saam kan groei in begrip en genesing. Verder word opleiding in die gemeenskap aangebied oor relevante sosiale en emosionele uitdagings wat ons land in die gesig staar, met die doel om kindertrauma nie net te hoor nie, maar daadwerklik aan te spreek.![]()
![]()
Jy kan Helpende Hand hier ondersteun: helpendehand.co.za/sentrums/![]()
Geniet jou Dinsdag!![]()
©Ineffable Digital Designs 2026
Verskeie faktore dra by tot 'n kind se groei, ontwikkeling en vordering op skool. Om netjies te lyk en in die klas op te let en te luister, is belangrik. Maar daar is ook ander faktore wat 'n kind se breinontwikkeling oor die lang termyn aanhelp. Al die faktore is belangrik en dien as steunpilare vir 'n kind se ontwikkelende brein. ![]()
![]()
By die Ons Sentrum fokus ons op elkeen van dié faktore en ook nog verskeie ander wat 'n rol speel. Ons werk graag saam met ons ouers om hulle kinders se ontwikkeling en ouderdomsgepaste behoeftes te verstaan en te stimuleer, sodat hulle volledig en teen hul unieke spoed kan groei.
🎒✨ Ons eerste VOL akademiese week is verby! ✨🎒![]()
![]()
By Ons Plek Kempton Park leer ons kinders nie net uit boeke nie –![]()
hulle leer deur speel, deur ontdek, deur lag en deur probeer.![]()
![]()
🎨🧩🛝 Lekker speel maak leer maklik!![]()
Wanneer klein handjies bou, hardloop, verf en verbeel, groei breintjies sommer vanself. Elke speletjie is ’n les, elke laggie ’n mylpaal en elke dag ’n nuwe avontuur.![]()
![]()
Ons is só trots op ons maatjies wat met groot oë en oop harte hierdie eerste vol leer geniet het. Hier word ’n liefde vir leer geplant wat ’n leeftyd hou. 🌱💛![]()
![]()
Kom speel, kom leer, kom groei saam met ons!
🌟 ’n Groot dag vir klein hartjies 🌟![]()
![]()
Vandag het ons Ons Plek-leerders ’n baie groot tree gegee! Sommige van ons maatjies het vandag hul eerste tree in Graad R of Graad 1 gegee — en sjoe, was dit dapper ❤️![]()
![]()
Met tas op die rug, skoene reg en harte wat so bietjie vinniger klop, het hulle vandag begin groei. Ons bid dat elke kind vandag en elke dag sal weet: God stap saam met jou — selfs wanneer dit nuut, groot of ’n bietjie spannend voel.![]()
![]()
“Wees sterk en vol moed… die Here jou God is by jou oral waar jy gaan.”![]()
— Josua 1:9![]()
![]()
Ons is so trots op elke klein leerder wat vandag ’n groot tree gegee het. Julle is kosbaar, geliefd en nooit alleen nie 🌱![]()
![]()
Welkom by hierdie nuwe hoofstuk, Graad R en Graad 1. Ons Plek stap saam met julle 🤍
🌱 Welkom terug by Ons Plek – 2026! 🌱![]()
![]()
Met dankbare harte en oop hande verwelkom ons elke maatjie en elke gesin terug vir ’n splinternuwe jaar by Ons Plek Kempton Park 💛![]()
Ons glo dat elke kind doelbewus geskape is en met liefde, hoop en potensiaal grootword.![]()
![]()
“Laat die kindertjies na My toe kom…” (Markus 10:14)![]()
Mag 2026 ’n jaar wees van groei, lag, leer, speel en veilige geborgenheid. By Ons Plek stap ons elke dag saam met ons kinders — hand aan hand — en leer hulle dat hulle kosbaar is, presies net soos hulle is 🌼![]()
![]()
Aan ons maatjies:![]()
Hier mag julle droom, vra, probeer, val en weer opstaan. Julle word gesien, geliefd en gekoester 🤍![]()
![]()
🌸 Soek jy ’n plekkie waar jou kind werklik kan behoort? 🌸![]()
Ons Plek Kempton Park bied ’n Christelike, liefdevolle en gestruktureerde omgewing waar kinders met hart, hand en hoop grootword.![]()
![]()
📞 Kontak ons gerus:![]()
Esté Cilliers![]()
📱 078 161 1655![]()
📧 [email protected]![]()
![]()
Ons sien uit daarna om nuwe gesinne te verwelkom en saam aan ons kinders se toekoms te bou ✨
Nuwejaarsboodskap van die Sentrumbestuurders vir 2026 🌿![]()
![]()
Soos ons terugkyk op 2025, sê ons met dankbare harte: dankie.![]()
Dankie vir elke tree saam, elke hand wat gehelp het, elke hart wat geglo het.![]()
Wat swaar was, lê ons neer.![]()
Wat mooi was, hou ons sag in ons harte.![]()
2025 het ons weer herinner aan die krag van gemeenskap –![]()
’n gemeenskap wat versterk, bou, glo en beleef.![]()
Saam kon ons ’n werklike impak maak op kinders se lewens,![]()
’n impak wat nie net vandag raak nie, maar geslagte verander.![]()
Dankie vir jou geloof, jou betrokkenheid en jou aandeel.![]()
![]()
Ons stap met nuwe moed en verwagting 2026 binne –![]()
’n jaar van bou, groei, hoop en werksyn.![]()
![]()
Mag die Here jou lig wees wanneer die pad vaag raak,![]()
jou vrede wanneer die wêreld raas,![]()
en jou hoop wanneer jy weer moet glo.![]()
![]()
🌱 Dankie dat jy deel is van Solidariteit Helpende Hand Ons Plek. 🌱
2026 lê voor ons met nuwe drome, nuwe moed en nuwe geleenthede om saam ’n verskil te maak. By Solidariteit Helpende Hand Ons Plek en Ons Sentrum glo ons dat elke môre bouwerk verg—met liefde, met omgee en met hande wat saamwerk reeds vandag. Mag hierdie nuwe jaar vir jou en jou geliefdes hoop, groei en oorvloedige genade en geleenthede bring. ![]()
![]()
’n Geseënde Nuwejaar!![]()
![]()
#NuweJaar2026 #HoopInAksie #OnsPlek #OnsSentrum #HelpendeHand #HandAanDieWerk #SaamVirDieToekoms #GemeenskappeGroei
📘✨ Ons Plek kry rapporte! ✨📘![]()
![]()
Ons harte klop vandag vol trots! 🎉![]()
Ons Plek se leerders het hard gewerk, gegroei, geleer en elkeen het sy beste gelewer. Vandag ontvang hulle hul rapporte, en saam daarmee ’n spesiale bederfpakkie van ons nuwe vriende: Tannie Zelda, Tannie Bianca en Tannie Carla. 🎁💙![]()
Baie dankie vir julle liefde en omgee – dit maak ’n wêreld se verskil! 🤗![]()
![]()
🌟 ’n Woord van inspirasie:![]()
“Laat die guns van die Here ons God oor ons wees, en bevestig die werk van ons hande.” – Psalm 90:17![]()
Vandag vier ons nie net punte op papier nie, maar die genade, groei en potensiaal wat God in elke kind geplaas het. Hy bou hul toekoms, een klein tree op ’n slag – en ons is bevoorreg om deel te wees van die reis. 🙏✨![]()
![]()
Mag elke ouer, elke juffrou en elke maatjie vandag onthou:![]()
Ons plant saad, God laat dit groei. 🌱💛![]()
![]()
#OnsPlek #ToekomsBouers #HandevanHoop #MetHart #KindersIsKosbaar #HelpendeHand
🎄✨ ’n Dag vol bederf by Ons Plek! ✨🎄![]()
![]()
Op Vrydag 5 Desember is ons Ons Plek-leerders ongelooflik bederf met ’n dag vol pret, leer en liefde! ❤️![]()
![]()
Die dag het begin met fantastiese aktiwiteite aangebied deur SSS. Hulle het die brandweerwa gebring en interaktiewe speletjies gespeel waar leerders meer oor veiligheid kon leer. Die grootste hoogtepunt? Wanneer elke maatjie die brandslang self kon vashou! 🚒💦 Elkeen het ook ’n inkleurprentjie ontvang wat nou ingestuur word vir ’n inkleurkompetisie.![]()
![]()
Daarna het ware waterpret gewag — en selfs die onderwysers is behoorlik nat gespeel! 😄💦![]()
![]()
Na ’n kort ruskans is die kinders verder bederf deur![]()
Justine Koch, een van ons dierbare ouers, en Tannie Ella van Helpende Hand. Die kinders het smullekker hoenderburgers, chippies en koeldrank geniet. Justine het vir elke kind ook 'n spesiale sakkie opgemaak. Gesigverf het gevolg en toe… die groot verrassing! 🎁![]()
![]()
✨ Shoebox Santa het opgedaag en vir elke enkele kind sy eie spesiale geskenk gebring. Die dag is afgesluit met heerlike roomys, waarna die maatjies moeg maar propvol vreugde huis toe is. 🍦💛![]()
![]()
Ons sê uit die diepte van ons harte baie dankie aan elkeen wat hierdie wonderlike dag moontlik gemaak het. Julle het weer eens gewys dat Ons Plek ’n plek van liefde, hoop en saam-bou is. 🌟🤝![]()
![]()
#OnsPlek #HandevanHoop #Kersvreugde #SaamBouOnsDieToekoms #HelpendeHand
This content isn't available right now
When this happens, it's usually because the owner only shared it with a small group of people, changed who can see it or it's been deleted.
Die StapSaam-fonds wil die toekoms hand aan hand met die gemeenskap instap. Besoek www.stapsaamfonds.co.za om vandag nog 'n verskil te maak!![]()
![]()
#HelpendeHand #OnsPlek #Welstand #StapSaamFonds
🌼 Ons sê dankie! 🌼![]()
![]()
Laasweek is Ons Plek weer oorvloedig geseën. 💛![]()
![]()
🧸 Die liefdevolle tannies by Allen Park Aftreeoord het vir elkeen van ons leerders pragtige handgebreide teddies gemaak — ’n sagte maatjie om vas te hou en te koester.![]()
![]()
🥔 Hoofkantoor het ons verder bederf met spesiale Pringle-skyfies, iets wat elke kind se gesiggie laat ophelder het.![]()
![]()
🎒 En Tannie Ella van Helpende Hand het vir ons maatjies wat Gr R en Gr 1 toe gaan, pragtige tassies gebring. Nou is hulle reg en vol hoop vir die nuwe jaar!![]()
![]()
Ons harte is vol dankbaarheid. ✨![]()
Dankie aan elke hand van liefde wat bydra om ons kinders se toekoms te bou.
🌼 ’n Hartlike welkom aan drie kosbare mense by Ons Plek! 🌼![]()
![]()
By Ons Plek glo ons vas dat die Here altyd voorsien, presies wanneer ons dit nodig het — en hierdie week het Hy dit weer bewys. Ons is ongelooflik dankbaar om drie besondere mense in hierdie seisoen in ons span te ontvang.![]()
![]()
✨ Juffrou Danielle![]()
Sy het op 27 Oktober by ons begin en sal tot 12 Desember by Ons Plek wees terwyl sy instaan vir ons geliefde Juf Ronel, wat ons diep mis. Met haar 8 jaar ervaring, warmte en liefde vir kinders het sy sommer dadelik ’n verskil kom maak. Die kinders adoreer haar — en ons ook!![]()
![]()
✨ Juffrou Chané![]()
Al die hele jaar ’n lojale vrywilliger, en nou vir dieselfde tydperk tydelik aangestel as assistent-juffrou. Haar sagtheid, omgee en onwrikbare bereidheid om te help, is ’n seën vir ons skool. Ons sien haar nie net as personeel nie, maar as familie.![]()
![]()
✨ Duane![]()
’n Groot welkom ook aan Duane, ons nuwe vrywilliger wat gister by Ons Plek begin het. Sy studeer volgende jaar onderwys en kuier eers bietjie by ons om ervaring op te doen. Haar entoesiasme, liefde vir kinders en bereidheid om te leer is vir ons ’n teken van die Here se voorsiening op presies die regte tyd.![]()
![]()
💛 Ons glo vas dat elke lid van ons span deur God gestuur is — op die regte tyd en vir die regte rede. Dankie dat julle drie jul gawes en harte by Ons Plek kom neerlê.![]()
![]()
🌟 Welkom in die Ons Plek-familie, Juf Danielle, Juf Chané en Duane. Ons waardeer julle, ons sien julle, en ons dank die Here vir julle! 🌟
🌟 ’n Dag vol vreugde, hoop en trots! 🌟![]()
![]()
Vandag het Ons Plek Kempton Park ’n stukkie van Kempton saam geneem na Helpende Hand se Hoofkantoor. Sewe van ons kosbare leerders — ons Gr RR’s en ’n naskooldogter — het die voorreg gehad om op die bus te klim en vir die belangrike omies en tannies van die Helpende Hand-direksie ’n stukkie van ons wêreld te wys.![]()
![]()
Met hul vrolike konsertliedjies en skuddende lyfies het hulle gewys watter toekoms van hoop ons saam vir hulle bou. Elke glimlag, elke danspassie en elke klein stemmetjie was ’n hand van liefde wat gewys het hoe hul besluite lewens verander.![]()
![]()
Ons leerders het stroopsoet en vol geborgenheid soos klein muisies in die groot kantoorgebou ingestap — en elke oom en tannie het breed geglimlag toe hulle groet. Die busrit was op sigself ’n avontuur… “Kyk die lorrie! Die koeie! Die rivier! Die dam!” — met groot oë en nog groter verwondering.![]()
![]()
By Hoofkantoor was die hoogtepunt definitief die rit in die glas-hysbak en die uitsig by Tannie Suzette se venster. Op die terugpad was die rustigheid tasbaar — tevrede hartjies, diep asemhalings, en ’n juf wat nie trotser kon wees nie.![]()
![]()
🙏 Die Here se hand van bewaring was oor ons.![]()
💙 En die trots in ons harte wys net weer: Ons bou nie net ’n skool nie… ons bou ’n toekoms — saam, met hart, met hoop en met uitnemendheid.