Ons Plek Horison
ONS PLEK HORISON
Ons Plek Horison is ʼn naskoolsentrum wat in 2022 in Roodepoort gevestig is nadat navorsing daarop gedui het dat daar 'n behoefte aan meer bekostigbare nasorg is. Kinders ontvang daagliks 'n gekookte ete as hulle van die skool af kom asook peuselhappies gedurende die middag. Vakansieprogramme word teen geen ekstra koste vir ingeskrewe leerders aangebied.
Solidariteit Helpende Hand Ons Plek Horison is ʼn gemeenskapsprojek wat aan spesifieke regulasies voldoen.
Solidariteit Helpende Hand Ons Plek Horison bied die volgende naskooldienste aan kinders:
- Huiswerkhulp van hoë gehalte
- Hulp met voorbereiding vir toetse en eksamens
- Gebalanseerde maaltye
- Toegang tot Wolkskool
- Verwysing vir terapeutiese dienste
- Vervoer
- Vakansieprogramme
Skoolfooie:
- Eenmalige registrasiefooi – R100
- Maandelikse skoolfooi – R550
- Dagtarief vir besoekers – R50
Subsidies is beskikbaar.
Skooltye: 13:00-17:00
Wagklasse van 17:00-17:30
Die bestuurder werk op die skoolterrein en verseker so persoonlike betrokkenheid by die kinders en skool.
BANKBESONDERHEDE
Rekeningnaam: Ons Plek en Sentrums Helpende Hand NPC
Rekeningnommer: 6300 322 9689
Takkode: 252 445
Verwysing: Jou naam en van
Ontmoet ons personeel
Artikels
My kind moet kan droom in Afrikaans, Saterdae aande kan saam braai met regte hout en Sondae langs my op die kerkbank sit, hy moet kaalvoet kan rondhardloop, FAK liedjies kan sing by die skool, trots wees op die Voortrekkers en bekend wees met volksverhale wat vertel word in klaskamers en kuiers saam met vriende. …
Lees meer...Word deel van die Solidariteit Helpende Hand familie
Solidariteit Helpende Hand Ons Sentrum
1,349
Ons Sentrum bied terapie aan kinders en hulle gesinne wat deur enige vorm van trauma gaan
Op Vrywilligersdag, 5 Desember 2024 wil ons elke vrywilliger kom salueer! ![]()
Baie dankie vir n jaar se lojaliteit teenoor Helpende Hand as organisasie en die dienste wat ons lewer. ![]()
Dankie vir jou toegewyde ondersteuning en opregte omgee. Mag die liggies van Kersfees jou herinner aan die hoop en omgee in jou hart vir almal om jou en die lig wat jy bring na die mense in jou gemeenskap.![]()
Mag 2025 vir jou tot seën wees en mag jy dit weer regkry om voetspore in mense se harte te los deur jou unieke mens-wees en jou bydrae tot ń vry, veilige en ń voorspoedige samelewing.![]()
Dankbare groete van al ons personeel by Solidariteit Helpende Hand.
Dankie aan ons maatskaplike werkers by Helpende Hand Ons Sentrum vir die reuse werk wat julle verrig elke dag!
Om vir oulaas te mag dans | Maroela Media
maroelamedia.co.za
Vir huiswerk moes hy en mamma onthou om lekker tye saam met mekaar in te ruim. Dit is toe dat hulle in die aande begin dans het op die sitkamermat.
Dis jou visie wat jou passie voed. Jou nalatenskap wat generasies vorentoe vat! Ons glo dat gelukkige kinders en gelukkige gesinne die hoeksteen vorm van ń gesonde gemeenskap.![]()
![]()
Ondersteun die terapeutiese dienste wat gelewer word by Helpende Hand se Ons Sentrum.
Daar is soveel kinders wat blootgestel word aan soveel seer en trauma elke dag. Wie gaan vir hulle ń stem wees as ons dit nie doen nie?![]()
![]()
Dalk moet ons opnuut ons omgee en beskerming en liefde vir elke kind wat ons pad kruis beloof!![]()
![]()
Ek belowe om namens jou te praat wanneer jy nie kan nie![]()
Ek belowe om nie langer stil te bly oor jou seer nie![]()
Ek belowe om jou te ondersteun tot jy veilig voel![]()
Ek belowe om vir jou hulp te kry en vir jou lief te wees...![]()
Ek belowe om vir jou hoop en veiligheid te bring....❤![]()
![]()
#16daevangeengeweldteenvroueenkinders
HOEVEEL VELDTOGTE NOG VOOR ONS VEILIG VOEL? ![]()
Ons opgewonde en ontspanne geskerts in die voertuig word eensklaps somber toe ek ʼn vraag vra. Dit het nie ʼn maklike antwoord vir die drie insittendes nie. Toe die een eers begin deel, val die ander twee spontaan in. Ek hou die mooi vroue in my truspieëltjie dop en merk vir die eerste keer die seerkrypad in hulle oë op. Hulle almal volg tans professionele loopbane, gee opreg om vir mense en ewe skielik verstaan ek hoekom. Hulle stories, agtergrond, tye en gebeure verskil, maar daar is ooreenkomste wat almal saambind. ![]()
![]()
Dit is die bekende storie van aanvanklike liefde versuur deur jaloesie, beskuldigings, verwyte, alkoholmisbruik, fisiese geweld en emosionele aftakeling, van nog kanse gee en weer probeer, want... die keer gaan dit anders wees.![]()
Hulle het geglo dat dit hulle skuld was en die onverdiende beskuldigings en negatiewe gedrag verdien het.![]()
Die geskenke, jammer-sê en leë beloftes het hulle vir jare laat bly omdat hul egokragte eenvoudig te min was om los te breek.![]()
Sommige se ondersteuningsnetwerke het hulle in die steek gelaat as gevolg van hulle eie verkeerde besluite. ![]()
![]()
Ek besef opnuut dat niemand gevrywaar is omdat jy van ʼn sekere klas, groep, geslag of ouderdom is nie. Miskien is mishandeling net die voortsetting van ʼn boelie-samelewing waarvan ons deel is? ![]()
![]()
Eersdaags is dit die veldtog bekend as “16 Dae van Aktivisme teen geen geweld”. Suid-Afrika is een van die gevaarlikste lande vir vroue om in te woon. Nietemin het ons een van die mees progressiewe menseregte-wetgewing ter wêreld, asook die beste beskermingsmeganismes... maar slegs indien dit toegepas word…. Leë beloftes vanuit regeringskringe word jaarliks gehoor van hoe vroue ʼn prioriteit is. Statistiek toon egter dat slegs ongeveer 56% beskermingsbevele toegestaan word, dat uitreiking van die bevel oor weke strek en dat vroue wat aanmeldings by polisiestasies maak verder geviktimiseer word deur aanvallende vrae of selfs net nie geglo word nie en aan sekondêre trauma bloot gestel word. ![]()
![]()
Ek lees ʼn artikel van Bettina Wyngaard waarmee ek met skok erkennend saamstem. “Die plekke wat vroue as veilige spasies kan beskou, word minder. ![]()
Wil jy winkel toe gaan? Dis nie meer veilig nie. Slaap jy in jou bed met ʼn oupa in die kamer langsaan? Jy gaan nog steeds nie die nag oorleef nie. Gaan jy na die polisie toe dat hulle jou huis toe vergesel omdat jy onveilig voel, is daar geen waarborg dat hulle jou veilig by jou huis sal besorg nie. In winkelsentrums, op strande, in woonbuurte, in kroeë, speelkamers by gesinsrestaurante, in toilette – daar is nie meer ʼn veilige spasie nie. In rykmanswoonbuurte en plakkerskampe, hotelle en tente, by die huis en by die werk, nêrens is vroue meer veilig nie. Ons leer van vroeg af hoe om sleutels tussen jou vingers te hou om as wapen te gebruik. Ons leer om naby winkelingange te parkeer en rond te kyk voordat ons uitklim. Ons leer om op WhatsApp te laat weet dat ons nou gaan ry en ook dat ons veilig by ons bestemming aangekom het. Deesdae sit ons met pepersproei in die hand wanneer ons gaan draf of fliek en selfs as ons in ons voertuie ry.”![]()
![]()
Wat is die oplossing? Die antwoord lê moontlik in die herstel van waardes, selfrespek, respek vir ander en respek vir die lewe wat reeds in kleuterskooldae aangeleer moet word. Die gebrek aan voldoende rolmodelle vererger die situasie en die ego-kragte en selfwaarde en selfvertroue van elke persoon moet herstel word sodat jy vir jouself kan opstaan. Negatiewe gedrag van aanranding en geweld moet afgeleer word en plek maak vir reg en geregtigheid op ʼn moreel aanvaarbare wyse. Gemeenskappe en groepe en vriende en familie moet weer vir mekaar begin omgee, uitkyk en opstaan vir mekaar en mekaar beskerm. ![]()
![]()
Dit is nooit te laat om hulp te vra nie, ook nie ʼn skande nie en ook nie jou skuld dat jy ʼn slagoffer is nie. Jy het egter ʼn keuse. Kies reg - daar is ʼn beter toekoms anderkant die pad van seerkry en vernedering. ![]()
![]()
Kontak jou naaste maatskaplike werk kantoor, jou predikant of ʼn vertroueling. Moet net nie stil bly nie!![]()
![]()
Die vroue in die voertuig vertel van die hoofstukke in hul lewens ná die pad van mishandeling. Hulle het gesond geword, party het weer getrou, die ander een tevrede, gelukkig en vervuld in haar loopbaan sonder ʼn huweliksmaat. Hulle het die onreg oorwin, opgestaan en kyk die lewe vierkantig in die oë.![]()
![]()
Stories soos die bring hoop vir my en ek hoop ook vir jou…![]()
![]()
- Suzette Oosthuizen
Ons ontvang graag jou aansoek vir die Sentrumbestuurder posisie by Solidariteit Helpende Hand se Ons Sentrum te Pretoria Noord se Terapiesentrum.![]()
![]()
Kom maak saam ń verskil! ![]()
![]()
helpendehand.co.za/vakante-poste/
Dit is belangrik om ons kinders as leiers vir môre groot te maak omdat hulle die toekoms van ons gemeenskappe en land vorm en rig. Deur hulle nou te leer om verantwoordelikheid te neem en sterk waardes te hê, verseker ons dat hulle met integriteit en medelye kan lei. Leierskapvaardighede help kinders om selfvertroue en probleemoplossingsvermoë te ontwikkel, wat hulle voorberei om uitdagings doelgerig en volhoubaar aan te pak.
Ons ontvang graag jou aansoek vir die Sentrumbestuurder posisie by Solidariteit Helpende Hand se Ons Sentrum te Pretoria Noord se Terapiesentrum.![]()
![]()
Kom maak saam ń verskil! ![]()
![]()
helpendehand.co.za/vakante-poste/
Indien nie jy nie, wie dan? Indien nie nou nie, wanneer dan? ![]()
![]()
Kinders is ons almal se verantwoordelikheid en daarom staan ons Bela tee, ons kies téén niks - ons kies slegs dit waarin ons glo en waarvoor ons lief is. Ons kinders. Ons Taal. Ons Christelike geloof.![]()
![]()
Vandag stap ons saam in afhanklikheid van die Here.![]()
![]()
#StopBela ![]()
#LosOnsKindersUit
Internskap vir maatskaplike werkers of persone met honeurs in sielkunde wat wil spesialiseer in terapie met kinders wat deur trauma geraak is. Die internskap sluit in praktiese ondervinding by die Helpende Hand Ons Sentrum in Pretoria Noord asook opleiding by Louise Aucamp van FACT.![]()
Kontak ons by: [email protected] of skakel 074 894 9987 vir meer inligting.![]()
![]()
Ons ontvang graag jou CV.![]()
![]()
Aansoeke sluit 15 November 2024.
Terapeutiese Maatskaplike werk pos beskikbaar by Ons Terapiesentrum in Pretoria-Noord.![]()
Kom deel jou passie, roeping en vaardighede en word deel van die Solidariteit Helpende Hand Familie.![]()
![]()
Volg asseblief die skakel.![]()
![]()
helpendehand.co.za/vakante-poste/
Dit is ons elkeen se verantwoordelikheid om vir ons kinders te pleit, te veg en te bou, anders gaan hulle die gevolge dra van ń wêreld wat hul kwesbaarheid uitbuit. As ons nie veg vir hul toekoms nie, sal hulle sonder die ondersteuning grootword wat hulle verdien. Ons optrede vandag bepaal of hulle more sterk genoeg sal wees om teen onreg te staan.
Liewe Matrikulant 2024. Hier staan jy nou, waar jy so graag wou wees. 12 jaar se voorberei en hard werk vir jou laaste skooleksamen ooit. ![]()
Om kennis te verkry sal jy goed voorberei om dit te kan weergee. Weet dat God aan jou dink terwyl jy skryf want jy dink voortdurend aan Hom. Onthou dat Hy belowe het dat Hy jou nooit in die steek sal laat nie, dat Hy ń mooi toekoms vir jou beplan, dat Hy jou krag is en jou nooit sal verlaat nie, dat Hy vir jou sal veg, dat Hy jou gebede verhoor en aan jou Sy vrede gee. Hy is lief vir jou en wil sien dat jy suksesvol sal wees! Jys deel van ons toekoms en ons is op ons knieë vir jou!![]()
Sterkte met jou eindeksamen! Jy het dit!
Boeke gee kennis en kennis gee mag. Baie sterkte aan ons Matrieks 2025 met julle laaste skooleksamen. Ons bid vir julle.
Helpende Hand - Deel van die Solidariteit Beweging![]()
FACT Training & Professional Development
Vrywilligers en publiek: Selfbeeld en Roeping webinaar![]()
Wil jy graag hierdie opwindende webinaar van Hannes Noëth bywoon?![]()
Die koste is R50.![]()
![]()
Registreer asb. hier: helpendehandopleiding.co.za/selfbeeld-en-roeping/![]()
Die datum en tyd op webtuiste is geskuif na die tyd op die e-kaart![]()
![]()
Donderdag: 22 Augustus 2024![]()
Tyd: 13:00
Kontak ons gerus as jy jou hand wil opsteek om by ons betrokke te raak. Laat weet ons wat jou talente is sodat ons kan kyk of dit iets is waarby ons kinders en gesinne en ons fisiese sentrum kan baat. Ons hoor graag van julle!
Ons almal is al op een of ander stadium in ons lewe geraak deur epilepsie. Dalk jyself of iemand wat jy ken. Verstaan jy werklik hoe epilepsie ń persoon raak, weet jy wat van jou verwag word wanneer iemand ń aanval kry en is jy genoegsaam ingelig om ń beter begrip te te toon?![]()
![]()
Kom luister saam na ons kenner op die gebied Noeline de Goede wanneer sy tydens ń forum netwerk gesprek via teams ons gaan toerus oor die belangrike onderwerp op Dinsdag, 6 Augustus 2024.![]()
![]()
Stuur ń epos aan Amanda om jou gratis skakel te ontvang by [email protected]