Ons Plek Derdepoort
ONS PLEK DERDEPOORT
In 2016 open die deure van Ons Plek Derdepoort met 30 kinders op die gronde van die Gereformeerde Kerk Derdepoort. Tans is daar 4 personeellede en 75 naskoolkinders. Hierdie kinders word daagliks van 11 skole na die Ons Plek vervoer, van 'n heerlike middagete voorsien en met huiswerk en take ondersteun. Een maal ʼn week is daar 'n Ons Handjies-speelgroep vir 7 kleuters en hulle ouers. Ons Solidariteit Helpende Hand-maatskaplike werkers voorsien ook weekliks terapeutiese dienste waar benodig. Vakansieprogramme is die hoogtepunt van elke kwartaal!
Hierdie noodsaaklike diens word moontlik gemaak deur ondersteuners en donasies vanuit ons gemeenskap. Dankie ook aan die Ons Winkels wat hierdie diens finansieel ondersteun.
Ons Plek Derdepoort fokus daarop om vir Afrikaanse kinders in die gemeenskap ʼn naskool-heenkome te bied waar hulle vry, veilig en voorspoedig kan wees. Derdepoort bedien graad R tot graad 12-kinders van Laerskool Derdepoort, Laerskool Voorpos, Laerskool Totiusdal, Sonitusskool vir hardhorende leerders, Hoërskool Transvalia (buitengewone onderrig), Hoërskool Oos-Moot, Hoërskool John Vorster en Hoërskool FH Odendaal.
Ons Plek Derdepoort bied die volgende naskooldienste aan kinders:
- Vervoer van kinders vanaf die onderskeie skole na die Ons Sentrum
- ʼn Heerlike gekookte ete
- Huiswerkhulp
- Hulp met voorbereiding vir eksamens, assesserings en toetse
- Ekstra klasse
- Wolkskool
- Terapie
- Liggaamlike oefeninge
- Vakansiekaperjolle
Hoe kan jy as vrywilliger betrokke raak by ’n Ons Plek?
- Help met huiswerk.
- Help met tikwerk en die opstel van toetse en memorandums.
- Raak betrokke op verskeie finansiële gebiede.
Tye gedurende skoolkwartale: Maandag tot Donderdag: 08:00-17:30
Vrydag: 08:00-17:00
Tye gedurende skoolvakansies: Maandag tot Donderdag: 07:00-17:30
Vrydag: 07:00-17:00
Ontmoet ons personeel
Joanelle Dreyer
Anke Smit
Sylvia Mokone
Nuus vanuit ons streek
Artikels
My kind moet kan droom in Afrikaans, Saterdae aande kan saam braai met regte hout en Sondae langs my op die kerkbank sit, hy moet kaalvoet kan rondhardloop, FAK liedjies kan sing by die skool, trots wees op die Voortrekkers en bekend wees met volksverhale wat vertel word in klaskamers en kuiers saam met vriende. …
Word deel van die Solidariteit Helpende Hand familie
Solidariteit Helpende Hand Ons Sentrum
Ons Sentrum bied terapie aan kinders en hulle gesinne wat deur enige vorm van trauma gaan
‘Kinderbeskerming begin by gesinne, nie in die hof’ - Maroela Media
maroelamedia.co.za
Suzette Oosthuizen, hoof van sentrums en nasionale strukture by Solidariteit Helpende Hand, benadruk dat ʼn samelewing wat sy kinders beskerm uiteindelik sy eie toekoms beskerm.